« კარტოფილი მექსიკურად – მარტივად და გემრიელად »

ავტორი: admin

თარიღი: 2017-01-03 14:08:30

გემოვნების მიხედვით, კარტოფილს ან ვთლით, ან კანიანად ვრეცხავთ და ისე ვჭრით.

კანიანი კარტოფილები კარგად გავრეცხოთ, გავამშრალოთ და მსხვილ ნაჭრებად დავჭრათ. გადავიტანოთ ღუმელის ტაფაზე და მოვაყაროთ მარილი, პილპილი, სუნელები, ნაჭყლეტილი ნიორი. კარგად ავურიოთ, მოვასხათ ზეთი და კვლავ კარგად ავურიოთ.

დაჭრილი კარტოფილი აუცილებლად უნდა “დაწვეს ზურგზე”, რომ ყველა მხრიდან შეიბრაწოს, მანამდე კი შესუნელებულ ზეთში კარგად ამოივლოს, ყველა მხრიდან.

180-200 გრადუსამდე გახურებულ ღუმელში “ზურგზე გაწოლილ” კარტოფილებს დაახლოებით 30 წთ ვბრაწავთ. ფერზეც შეატყობთ, როდის იქნება მზად. ამასობაში კი შეგიძლიათ სოუსი მოამზადოთ გემოვნებით:

1. მაიონეზი წითელი დაფქული წიწაკით და ნივრით
2. მაიონეზი + კეტჩუპი
3. არაჟნის ან მაწვნის სოუსი, დაჭყლეტილი ნივრით, ზეითუნის ზეთით, მარილით და კამით.