EVPATORI Web Resources


გამოკითხვა

მოგწონთ ნოველები - ჩვენი საქმე

დიახ
არა
კარგად იკითხება
ვერ გავიგე
ამორალურია


დარეგისტრირებული მომხმარებლები

გაბრიელი

Kaxa

marisvirava

shotikosvirava

ირაკლი98760






« ფერის გავლენა ადამიანის ფსიქიკაზე »

კატეგორია: ბიზნეს ჟურნალი

ავტორი: admin

თარიღი: 2017-12-16 14:23:51

ფერის გავლენა ადამიანის ფსიქიკაზე

ყველა ადამიანს თავისი საყვარელი ფერი გააჩნია და ხშირად სახლში რემონტის გაკეთების დროს, მანქანის, ტანსაცმლისა თუ აქსესუარების შეძენისას, დიდი მნიშვნელობა სწორედ ფერს ენიჭება. სულაც არ არის სულერთი რა ფერად არის შეღებილი ბავშვის საძინებელი ან თუნდაც სკოლაში, საკლასო ოთახის კედლები. ადამიანს ყოველდღიური შეხება აქვს ფერთან და ცხადია ფერი გარკვეულ გავლენას ახდენს ადამიანზე, მის ფსიქიკასა და განწყობაზე.
 
ლურჯი (ცისფერი) – ეს არის ზღვისა და ცის ფერი. ლურჯი ოცნებასთან, მოგზაურობასთან, ცურვასთან, საზღვაო თავგადასავლებთან ასოცირდება. ლურჯი დამამშვიდებელი ფერია. ის იწვევს ფიზიკურ და ფსიქიკურ დამშვიდებას, ქმნის უსაფრთხოების ატმოსფეროსა და აღძრავს ნდობის მომენტს. სიცხეში ლურჯად ან ცისფრად შეღებულ ოთახში ადამიანები თავს კომფორტულად გრძნობენ, ამასთან ეს ფერი ოთახს ვიზუალურად დიდი აჩენს. ნეგატიური კუთხით იწვევს სისუსტეს, აძლიერებსს დეპრესიულ ფონსა და არასრულფასოვნების კომპლექსს.
 
ყვითელი (ნარინჯისფერი) – ეს არის მზის ფერი, ამიტომ, ასოცირდება სითბოსთან, ნატებასთან, პლაჟთან (ყვითელი ქვიშის გამო), დასვენებასთან. ყვითელი აძლიერებს მეხსიერებას, მისი გავლენით ადამიანს უადვილდება გადაწყვეტილების მიღება. ყვითელი და ნარინჯისფერი ფერი ასევე არის შეთანხმების, კომპრომისების ერთგვარი სიმბოლო. ეს არის ასევე არის ემოციებისგან გათავისუფლება, პატიების სწავლა, ეს ერთგვარი ანტიდეპრესანტია, რომელიც ადამიანს კარგ განწყობაზე აყენებს. ამშვიდებს ნერვულ სისტემას. ეს ფერი ასევე უკავშირდება ორიგინალურობასა და ექსტრავაგანტურობას. ნეგატიური გამოვლინებაა - იმედგაცრუება, განგაშის შეგრძნება, გარემო პირობებით დაღლა, ენერგიის გაფანტვა, განმარტოვების სურვილი, სიწყნარე, სიმშვიდე, სწრაფვა უმოქმედობისკენ.
 
წითელი – მასტიმულირებელი ფერია, ძალიან ძლიერი, თუმცა "უხეში" ენერგიაა. ადამიანებს უბიძგებს აქტიურობისკენ, ენეგიულობისკენ, ბრძოლისკენ, აძლიერებს მიზანსწრაფვას. ხშირად ეს ფერი საომარ განწყობებზე, პროვოცირებასა და ინტრიგებზეც მიუთითებს. ნეგატიური გამოვლენაა სიჯიუტე, სიხისტე, უკომპრომისობან, აგრესია, მრისხანება, ფიზიკური და ფსიქიკური მოშლა.
 
მწვანე – პირველ რიგში რა თქმა უნდა ბუნებას გვახსენებს, რომელიც თავისთავად სიმშვიდეს უკავშირდება. გახსოვდეთ, რომ როდესაც იმყოფებით ბუნებაში, სეირნობთ სკვერში, უყურებთ ხეებს, მწვანე ფოთლებს, მწვანე ბალახს, თქვენ მშვიდდებით და თქვენი ფსიქიკა ჰარმონიული ხდება. მწვანე არის სიცოცხლის, ჰარმონიის, გაერთიანების, აღორძინებისა და დაახლოების ფერი. გარდა ამისა, მწვანე მიანიშნებს სამართლიანობაზე, მუდმივობაზე, შესაძლოა, ასევე თვითგაზვიადებაზე. ისევე როგორც ლურჯი, მწვანეც საკუთარ თავში ჩაღრმავებისა და მედიტაციის ფერია. ნეგატიური გამოვლენა – ნერვული სისტემის მოშლა, დევნის მანია.
 
ვარდისფერი – ეს არის სიყვარული და რომანტიკა, თუმცა ზოგჯერ ეს ილუზიებთანაც ასოცირდება. ვარდისფერი ასევე არის ბავშურობის, დაუცველობის ფერი და ვისაც ეს ფერი იზიდავთ, შესაძლოა, ის ჯერ ვერ გამოსულა ბავშვობიდან და არ ხიბლავს ცხოვრებასთან ბრძოლა. ეს ფერი ხშირად გამოიყენება ბავშვების ოთახში.
 
იისფერი – იისფერი მიუთითებს არტისტიზმზე, ბრწყინვალე იდეებზე, ინტუიციასა და მისტიციზმზე. ეს არის აღმაფრენა, მგრძნობიარობა და თანაგრძნობა. ნეგატიური გამოვლენა - შეზღუდვა და ფრიგიდულობა.
 
შავი – ეს არის საიდუმლოს, ხიფათისა და შიშის ფერი. გარდა ამისა, შავი ფლობს პარადოქსალურ თვისებებს. იწვევს როგორც დაცულობის, ისე შიშის და შფოთვის შეგრძნებას. შავი აძლიერებს სიმშვიდის, უსასრულობის მომენტს, თუმცა შესაძლოა, დაამუხრუჭოს გადაწყვეტილების მიღების სურვილი. თუმცა შავი და თეთრი "კლასიკურ" ჩაცმულობასთან ასოცირდება. შავია ძალიან გავრცელებული ფერია, რადგან შავი ფერის ტანსაცმელი თითქმის ყველა ფერს ეხამება. ხშირად შავი ფერის სიყვარული განმარტოვების სურვილზეც მიანიშნებს. ნეგატიური გამოვლენა - თვითკონტროლის დაკარგვა, აგრესია, უკომპრომისობა.
 
ყავისფერი – ეს ფერი იწვევს სიმშვიდეს, მდგრადობას. თუ ყავისფერი მუქი შეფერილობისაა, შესაძლოა, ამან მოწყენილობასთან და გაურკვევლობასთან მიგვიყვანოს, თუმცა თავისთავად ყავისფერი დაცულობის სიმბოლოც არის. ხშირად სულიერად მდგრად და სტაბილურ ადამიანებს ყავისფერი მოსწონთ.
 
თეთრი – ეს არის შავის ანტითეზა, თუმცა ამავ დროულად საკუთარ თავში აერთიანებს ყველა ფერს. თეთრი აღძრავს დადებით ასოციაციებს და იწვევს სიმსუბუქის, გახსნილობის, თავისუფლების, წონასწორობის შეგრძნებას. ეს არის სიკეთის, უმანკოების, უბიწოების ფერი. თუმცა ამავდროულად თეთრი ასოცირდება საავადმყოფოსთან და აქედან გამომდინარე უკავშირდება დარდს, ავადმყოფობას, შიშს. ასევე შეიძლება გამოიწვიოს სიცივის ასოციაცია, რადგან თეთრი ზამთრის და თოვლის ფერია. ნეგატიური გამოვლენა - უნაყოფობა, მოწყენილობა, გაურკვევლობა, იმედგაცრუება, ამპარტავნება და ზიზღი.
 
 
რამაზ გიგაური
zodiaqo.blogspot.com
 
ბიზნესი სექტორი
 
ფერით მოტანილი ემოციის დადებითი და უარყოფითი მხარეები
 
ლურჯი
 
დადებითი: საიმედოობა, სიმშვიდე, სისუფთავე, ყურადღება, ჯანმრთელობა, პროფესიონალიზმი, კანონიერება, სიძლიერე.
 
უარყოფითი: სიცივე, შიში, მამაკაცურობა.
 
ცისფერი
 
დადებითი: სამკურნალო, სულიერი, დამცავი, დახვეწილი.
 
უარყოფითი: შური, ქალურობა.
 
მწვანე
 
დადებითი: ბუნებრივი, ორგანული, ახალგაზრდული, სასწავლო, მდიდარი, საგანმანათლებლო, ეკო მეგობრული, დამამშვიდებელი.
 
უარყოფითი: შური, ეჭვიანობა, დანაშაული.
 
ყვითელი
 
დადებითი: მბრწყინვალე, მზიანი, ენერგეტიკული, თბილი, ბედნიერი, კმაყოფილი, სახალისო, ინტელექტუალური.
 
უარყოფითი: უპასუხისმგებლო, არასტაბილური.
 
იისფერი
 
დადებითი: თავაზიანი, ფუფუნება, ამბიციური, დამამშვიდებელი, ელეგანტური.
 
უარყოფითი:  იდუმალი, მარტოსული.
 
ვარდისფერი
 
დადებითი: რომანტიკული, მშვიდი, ბედნიერი.
 
უარყოფითი:  სუსტი, ქალური, მხდალი.
 
წითელი
 
დადებითი: რომანტიული, ენერგიული, სწრაფი, გადამწყვეტი.
 
უარყოფითი: გამაფრთხილებელი, საფრთხის შემცველი.
 
სტაფილოსფერი
 
დადებითი: გამბედავი, სანდო, მეგობრული, წარმატებული.
 
უარყოფითი:  იგნორირებული, არაპუნქტუალური.
 
ყავისფერი
 
დადებითი: მეგობრული, გრძელვადიანი, კონსერვატიული.
 
უარყოფითი: დოგმატური, კონსერვატიული.
 
კაკაოსფერი
 
დადებითი: საიმედო, მოქნილი, დახვეწილი, კონსერვატიული.
 
უარყოფითი: მშრალი, მოსაწყენი, კონსერვატიული.
 
ოქროსფერი
 
დადებითი: მდიდრული, ბრძენი, ძვირფასი, მნიშვნელოვანი, ტრადიციული.
 
უარყოფითი: ეგოისტური, თავდაჯერებული.
 
ვერცხლისფერი
 
დადებითი: გლამურული, მოხდენილი, მაღალტექნოლოგიური.
 
უარყოფითი: მერყევი, მოსაწყენი, უპასუხისმგებლო.
 
თეთრი
 
დადებითი: კეთილი, უდანაშაულო, სუფთა, ახალი, მარტივი.
 
უარყოფითი: ხელუხლებელი, ცარიელი.
 
ნაცრისფერი
 
დადებითი: დაცული, საიმედო, ინტელიგებტი, სოლიდური.
 
უარყოფითი: ბნელი, დამთრგუნველი, კონსერვატიული.
 
შავი
 
დადებითი: დამცავი, ელეგანტური, დრამატული, დახვეწილი.
 
უარყოფითი: ბოროტი, იდუმალი.